جوان و جوانی شێعرێوە جە هومایون موحەممەدنژادی
جوان! هۆربێزە کەی وەختی وەرمەن
تۆشە هۆرگێرە، تا تەنوور گەرمەن؟!
گەوهەروو جوانی، کار و هەرمانەن
وانای کتێبی دەوا و دەرمانەن
دنیا پەی کەسی تا ئاخر نیەن
عمر و جوانی جە دەسما شیەن
عێلم و زانایی مایەی سروورەن
حێکمەت و ئاوەز خەیلێ زەروورەن
جوان! نەزانای دووکەڵ و تەمەن
دڵ پهڕۆش مەبۆ، دنیات پەڕ خەمەن
تاعەتوو خود٘ای دایێم ویرت بۆ
ئایە و کەلامش جە ویرت نەشۆ
وەشڵەی پا کەسی، نەجیب و پاک بۆ
جە لاو گرد کەسی تاقانە و تاک بۆ
جوانی و پاکی دایێم مەنۆوە
بە ئەخلاقی بەرز، دەنگش زڕیۆوە
وەشڵەی جوانێو ڕاس و درۆس بۆ
دیندار و مەتین هەم خود٘ادۆس بۆ
#هومایوون_موحەممەدنژاد
@hawramyanah