باسێو کۆتا سەروو جەژنەو ئێساڵوو پیرشالیاری ✍هومایون_موحەممەدنژاد

باسێو کۆتا سەروو جەژنەو ئێساڵوو پیرشالیاری/ هومایون_موحەممەدنژاد

باسێو کۆتا سەروو جەژنەو ئێساڵوو پیرشالیاری
✍هومایون_موحەممەدنژاد

ئەر دەنگ کەری ، دەنگاوەنە
دەنگیچ مەکەری ، پەنگاوەنە!!

جەژنەو زەماوەندٚەو پیرشالیاروو هەورامانی، یادگاروو فەرهەنگ و تارێخ و ویەردەو هەورامانیا و هەرساڵێو جە گردوو یاگەکاو ئێران و دنیای جە هەورامان و جە زەماوەندٚەو پیرشالیاری ، دیدٚەن کەرا ، بەڵام بڕێو قسێ و باسێ جە لاو بڕێو کەسێ جە هاڵیگای قەسالەین(فەزای مەجازی) تایبەت جە تاقمەو کاناڵەکاو تلێگرام ، ئەنێستا و ... ئادٚیچ بە داخەو جە وێما و هامزوانەکاما جە پەراوێزوو ئی جەژنێ و مەراسێمەکەینە، ئێژایی ، هۆویەت و کێ بیەو وێشا بەردشا چێروو پەرس و سوئالێ.

#نەرەی_واتەنی_:#بە_پوازەو_وێم_ترەکوو"

هەورامان و هەورامی زوان بە مێمانداری و حورمەت نیای پەی مێمانی نامدارێنێ و ئینە پەی گرد کەسی ئەونەشاریان، ئەگەر مێمانێو تاڵش بۆ و خودٚای نەکەردە، تۆشوو گیر و چەڵەمێو ئاما بۆ گورج و ئازا لوان پێواشەو و هەرمانەکێش پڕنانە و یام پێسەو مێمانەکەیش کە بە عەزرەتەو پەی وینای و چەم پنەکەوتەوبەرنامەو پیرشالیاری و سەفوو حەی ئەڵڵاو دەروێشەکاو سەروو لەقوو درەختوو وەزەکێ پاڵوو یانەو پیری کەوتەرە و زامدار بێ و خەفەتش نیا سەروو دڵوو گردیماوە و ئەچا وەختەنە ئێمەیچ ئەچاگە بێنمێ و خەڵکوو هەورامانی و دەوربەر و تایبەت چەمدٚاروو مەراسێمەکەی گورج و ئازا مێمانەکەشا یاونا لاو ئامپەلاسەکەی و یاگێ دەسوەشی بێ و ئەڵبەت شوکر پەی خودٚای بە خێر گێڵاوە و زامەکێش فرێ نەبێنێ و هەواڵوو سڵامەتیش جە زوانوو وێشنە جە فەزای مەجازی و کاناڵەکانە، وەڵا کریاوە.
واتەو ئینەیە: دار و درەخت لاو گردیما تایبەت خەڵکوو هەورامانی و تایبەتەریچ وەزی درەختوو بوومی و وێمانەو مەحاڵەو هەورامانیا و یاگێ ئێژایی و هەمیەتین و بڕیای لەق و شاخوو درەختەکەی هەرمانێوە عالە نەبێ و چنی ژیوگاپارێزنای خەڵکەکەیما فرە دوور بێ (هەرچن واتەنشا پەی یانەو ساحێب وەزەکێ بیەن بائێسوو گیر و گرێفت ترەکنای دیواروو یانەیش، ئەڵبەت دماتەر تاوێ چارەسەرش کەرێ و نەک چل و لەقوو درەختی بەسەزوانی بڕیۆ هەتا مێمانێوتەر ئازار نەدریۆ ، ئەڵبەت درەخت یاگێ نشینگا و جەولانوو مێمانی نەبێ و وەختوو وەز تەکنایچ نەبێ!... مێمان نەوازی هەورامی زوانی هەتا یاگێوا چل و لەقوو درەختی بەسەزوان پاچیۆرە و هەتا مێمان وەشتەرش بۆ !!!!واچی چێش؟؟

گلێرەوبیەی خەڵکەکەی جە وێمانە و مێمان ئەچا یاگێنە(وەروو یانەو پیری) و سەروو بانەکاو دەوروبەری(ئەژماروو خەڵکەکەی فرەتەر بیەن و بانوو یانەکا ئا وەزنێ هۆر نمەگێرۆ)، یاگێوە سەخت و سەخڵەتەنە و مشیۆ چارەسەری یەکجاری کریۆ ،ئەڵبەت هەتا ئیسە مێمانەکاو پیروو هەورامانی بە وەشی و سڵامەتی گێڵەنێوە پەی یانە و وەڵاتوو وێشا قههموو ههورامانی...