داستانێ کۆڵێ:

یانهو خهما…/ هومایون محهمهدنژاد

پایگاه خبری تحلیلی سلام پاوه:

وهختێو لاو یانهیشانه ویهری؛سام گێرۆنهت و مووچڕکێ مهی مازیتهره؛پهی چن سات و چهمترووکنایهو مهنینیره وئاخێو هۆرکێشێ نێ!

دهنگوو کۆڕهچهرمهڵهکهیشا ئیسهیچ ئینا گۆشمهنه،و تاتهش ڤاچێ:دهی ڤهرش ده با قژێم کێشۆ،با وهشش بۆ؛یانهشا به بۆنهو زاڕۆڵهکهیشا وهشتهر بیهبێ.بهڵام ئیسه ئهرهجیۆ یانهو خهم ومهینهتیا،پهپووکهره وانۆ،کهس نیا و ئێتر دهنگوو لاونایهو ئهداوتاتهی پهی زاڕۆڵهکهیشا نمهیو،یهک و دوێ جارێ براو پیاکهی بهرهکهی واز کهرێ، ئاننهش پهنه نهشێ ئێ بهر و ههرسهو چهماش ههڵای دیارێ بێنێ،تهم و خهم جه جهستهش ڤارای ڤارێ.

بڕێو باسێ و ڕاز و داستانێ مامۆساو چراوه و ڕاو ژیوایمانه،پهی فرهتهر ئهژناسای ژیواو ئێ یانه یه جه قهوم و کهس و کار و هامساکاشا هاگاداریم پهیدا کهرد و به سهرئاماو یانهکهی یاوا دهسم.

تاتهو یانهی نامێش ،شاهۆ، بێ ئارام و ژیر و دڵسۆزوو یانهی زهحمهت کێش بێ،سڵام کهردهیش، کهوته بێ سهروو زوانا،خهڵکوو لاو وێشا ڤاچێنێ:سڵام سڵاموو شاهۆیا پێسهو شاهۆ ههورامانی بهرز و دیارا!

ئهدایچش ڤاچێ:فرهو جارا تهیوهڵهم ماچ کهرێ و ڤاچێ: ئهداگیان! شمه ڕازیه بیی؛ئێترهیچم گهرهک نیا هۆشت تاتهیمهو بۆ!

شاهۆ جه وهختوو مهله کهردهینه قهڵبش گیریابێ و دماتهر پهنهشا زانا بێ و جوانه مهرگ بی.

ههراڵه کهیوانوهو یانهیش چهنی زانای کۆڕیش تهنیا مهنێوه و خهفهتوو نهبیهی شاهۆی ژیواو ههردویشا تاڵ بی و دماو دوێ ساڵێ یانهو تاتهو شاهۆی ڤاتشا:ههراڵه ڕوڵهم!تۆ لوه ڕا وێتهنه جوانهنی قسمهت ئهپێسه بێ تۆ و شاهۆی جه یۆ بڕیهیدێ.

ههراڵه ماچۆ:دهی من حهز کهروو تا وهختوو مهردهی چهنی زانای بوو و یانهوشاهۆی نهشێونوو.

ادامه مطلب

قههموو ههورامانی...