کڵاشوو هەورامانی، جە شاروومەریوانی سەبتی دنیایی کریۆ/هومایون موحەممەدنژاد

ئەر گەرەکما بۆ جە بارەو زوان و فەرهەنگ و شێوەوژیوای و کەلتوروو هەر یاگیوی جە هەر وەڵاتێوەنە ، قسە و باس و دەنگ کەرمێ ،مشیۆ ،حەق و ڕاسی برمانمێ ،و ئەگەریچ چی هەرمانێنە ، کەمتەر خەمی کەرمێ،کێ بیەی و هۆوییەتوو یەک مللەتیوی پاشێل کریۆ.
چن ساڵێوا باسوو سەبت کەرد٘ەو هەورامان و یەرێ دەگایێ ژیوار، هەورامان تەخت، پاڵنگان جە دنیانە ئامان وەرەو ؛ و ئوستانوو کوردەسانی و شارەکاو سەڵواوا و کامیاران و هەورامان تەخت ئەچی باسەنە هامکاریشا کەرد٘ەن، و پەی ئی هەرمانێچە(پایگاەمیراث فرهنگی،منظر فرهنگی تاریخی هورامان)
جە شاروو هەورامان تەختی مەرزیارە و کاکە پویا تالب نیا دۆسی ئازیز و زەحمەت کێش ،پێسەو ڕاوبەریش ، ئەچی ماوەنە، هەرمانێ فەرهەنگیێ عالیشا کەرد٘ینێ، کە یاگێ دەسوەشینە، واتەوئینەی کە پەروەندەو یەرەدەگایەکاو هەورامانی، بۆنەو مەنزەر و وەرچەمی تەبیعی و سرووشتەکەیش و پێسەو ماواو فەرهەنگ و کۆگاو سەنعەتە دەسیەکاو هەورامانی، ئینا وەروو دەسووهەرمانبەرا و ڕاوبەرەکاودنیای جە یۆنسکۆنە و ئاواتما ئانەن ئەپی زوونە هەرمانەکێ پڕیۆوە و دڵوو گرد٘یما وەش بۆ ؛بەڵام ئاننەش پنە نەشی باسوو سەبەتی جەهانی کەرد٘ەی کڵاشی هەورامی جە شاروو مەریوانی،ئاد٘یچ کڵاش پێسەو یۆجە شانازیەکاو فەرهەنگ و مللەتوو هەورامانی ،سەبەت کەرد٘ەو هەورامان و یەرەدگایەکاش جە دنیانە، بەرد٘ێش چێروو پەرسێ.
۱ـ جیاکەرد٘ەی کڵاشی جە شانازیەکاو هەورامانی ،تایبەت پەی پەروەندەو سەبتی دنیاییش،زوڵمیوی گەورەن.
۲ـ کڵاش پێسەو سەنعەتوو خەڵکوو هەورامانی،مشیۆچ جە یۆ جە شارەکاو هەورامانی سەبت کریایا،ئەڵبەت جە شارەکاو کرماشانی جە ساڵوو۱۳۹۱و جە ساڵوو۱۳۹٦شاروو نۆدشەی ،شاروو کڵاشی سەبتی مللی و ئێرانی بی.
۳ـ ئەڵبەت بە پاو ئانەیە خەڵکیوی فرە جە هەورامی زوانا جە شاروو مەریوانی مژیوا، و فرەو کڵاشکەرا و کڵاش چنا خەریکوو ئێ شوغڵ و هەرمانێنێ و مەریوان پێسەو شاریوی نیمە هەورامی و جە ویەردیوی نزیک ؛ هەورامان تەخت و ژاوەرۆ و سەڵواوا؛ بەشەکا جە مەریوانی بیێنێ.
٤ـ مەریوان ،پێسەو شاریوی وەش ئاو و هەوا و سەرسەوز و جە قەراخوو گۆمەنامدارەکوو زرێبار و شاریوی نزیک چەنی کوردەسانووعێراقی و بیەی مەرزی بەینەلملەلی باشماقی کە یۆ جە بازارەگەورەکاو بەینوو ئێران و عێراقی، و شاریوی پەی گێڵای و سەیر و سەفەروو مێمانا و خەڵکوو ئێران و وەڵاتەکاتەری بیەن، بۆنەو ئا چێوا واتما سەبت کەرد٘ەو مەریوان زووتەر ملۆ وەرو.
٥ـ هەرمانەوکڵاش و کڵاشچنیەی جە هەورامانانە مەرزیانەرەو مشیۆ نامێ هەورامانی پاڵوو نامەکێشەنە دیارە بۆ، هەتا بنەڕەت و ڕێخەو ئەساڵەتوو و ئەرکوو مللەتکەیش پاشێل نەکریۆ دەقوو نامەکێش ئەپیسە  بنویسیۆ:

برچسب‌ها: قه‌ڵه‌موو هه‌ورامانی, هورامان, هه ورامان, هۆرامان, هه‌ورامان هانه‌به‌رچه‌م قههموو ههورامانی...